რუსეთის ფედერაციის საგარეო საქმეთა მინისტრის მოადგილის, სერგეი რიაბკოვის განცხადებით, რუსეთისა და აშშ-ის პრეზიდენტების კომუნიკაციის საკითხი ჯერ შეთანხმებული არ არის.
როგორც რიაბკოვმა რუსულ მედიას განუცხადა, ამისთვის რუსეთი შიდა სამუშაოებს ახორციელებს.
„კონტაქტი ჯერ შეთანხმებული არ არის. როცა უფრო ნათლად და კონკრეტულად მოვისმენთ ვაშინგტონისგან წინადადებას, მაშინ დავიწყებთ განრიგის და ორგანიზაციული საკითხების კოორდინაციას“, – აცხადებს რიაბკოვი.
ინაუგურაციის შემდეგ კი, თეთრი სახლის ახალმა ლიდერმა, დონალდ ტრამპმა იმედი გამოთქვა, რომ თავის რუს კოლეგასთან შეხვედრა ძალიან მალე შედგება.
