14-მდე მოციგურავე, მათ შორის 12 წლის მოზარდი, სამი შვილის მამა და იურისტები – ცნობილია ავიაკატასტროფაში დაღუპულთა ვინაობა: თვითმფრინავიდან შავი ყუთები ამოიღეს (ფოტოები)

ვა­შინგტონ­ში, American Airlines-ის ჩა­მო­ვარ­დნი­ლი სამ­გზავ­რო თვითმფრი­ნა­ვი­დან შავი ყუ­თე­ბი ამო­ი­ღეს. გა­მო­ცე­მა CBS News-ის ინ­ფორ­მა­ცი­ით, შავი ყუ­თე­ბი­დან ამო­ღე­ბუ­ლი მო­ნა­ცე­მე­ბის ანა­ლი­ზი ტრან­სპორ­ტის უსაფრ­თხო­ე­ბის ეროვ­ნუ­ლი საბ­ჭოს ლა­ბო­რა­ტო­რი­ა­ში გან­ხორ­ცი­ელ­დე­ბა, რო­მე­ლიც ტრა­გე­დი­ის ად­გილ­თან ახ­ლოს მდე­ბა­რე­ობს.

ტრან­სპორ­ტის უსაფრ­თხო­ე­ბის ეროვ­ნუ­ლი საბ­ჭო (NTSB) აცხა­დებს, რომ კა­ტას­ტრო­ფის შე­სა­ხებ წი­ნას­წა­რი ან­გა­რი­ში 30 დღე­ში გა­მოქ­ვეყ­ნდე­ბა. საბ­ჭო­ში ასე­ვე ირ­წმუ­ნე­ბი­ან, რომ მათ ბევ­რი ინ­ფორ­მა­ცია აქვთ, მაგ­რამ მის გა­და­მოწ­მე­ბას გარ­კვე­უ­ლი დრო სჭირ­დე­ბა.

ბოლო და­დას­ტუ­რე­ბუ­ლი ინ­ფორ­მა­ცი­ით, სა­მაშ­ვე­ლო ჯგუ­ფებ­მა სამ­გზავ­რო თვითმფრი­ნავ­ში მყო­ფი 27 ცხედ­რის იდენ­ტი­ფი­ცი­რე­ბა შეძ­ლეს. იდენ­ტი­ფი­ცი­რე­ბუ­ლია სამ­ხედ­რო ვერ­ტმფრე­ნის პი­ლო­ტიც.

თუმ­ცა, რო­გორც dailymail წერს, თვითმფრი­ნა­ვის ჩა­მო­ვარ­დნის შემ­დეგ ამ დრო­ის­თვის სულ მცი­რე 40 ცხე­და­რია ნა­პოვ­ნი. მათ შო­რი­საა TikTok-ზე ფი­გუ­რუ­ლი სრი­ა­ლის ვარ­სკვლა­ვი, ცნო­ბი­ლი სპორ­ტსმე­ნი წყვი­ლი და ეკი­პა­ჟის ოთხი­ვე წევ­რი. სულ მცი­რე სამი არას­რულ­წლო­ვა­ნი. ცნო­ბი­ლი რუსი ფი­გუ­რუ­ლი მო­ცი­გუ­რა­ვე წყვი­ლი – 53 წლის ევ­გე­ნია შიშ­კო­ვა 56 წლის და ვა­დიმ ნა­უ­მო­ვი.

ცნო­ბი­ლი ხდე­ბა ავი­ა­კა­ტას­ტრო­ფის ახა­ლი დე­ტა­ლე­ბი…

ასევე დაგაინტერესებთ

18:04 / 30-01-2025

არსებული ინფორმაციით, ავიაკატასტროფის შედეგად არავინ გადარჩენილა – რას ამბობს ვაშინგტონის სახანძრო და სასწრაფო სამედიცინო სამსახურის უფროსი

CNN-ი იდენ­ტი­ფი­ცი­რე­ბულ მსხვერ­პლთა სა­ხე­ლებ­სა და გვა­რებს აქ­ვეყ­ნებს. ფო­ტო­ში, ზედა ზოლ­ზე არი­ან: ჯო­ნა­თან კამ­პო­სი, იან ეპშ­ტე­ი­ნი, ჟანა ხანი, სა­მუ­ელ ლილი და სპენ­სერ ლე­ი­ნი. ქვე­და რიგ­ში: კრის­ტინ ლე­ი­ნი, გრე­ის მაქსვე­ლი, ვა­დიმ ნა­უ­მო­ვი, ასრა ჰუ­სე­ინ რაზა და ევ­გე­ნია შიშ­კო­ვა.

მსხვერ­პლთა შო­რის არის GE Aerospace-ის თა­ნამ­შრო­მე­ლი ვი­კეშ პა­ტე­ლი.

კო­ნექ­ტი­კუ­ტის გუ­ბერ­ნა­ტო­რის ნედ ლა­მონ­ტის გან­ცხა­დე­ბით, მსხვერ­პლთა შო­რის იმ­ყო­ფე­ბო­და კე­ი­სი კრაფ­ტო­ნი – კო­ნექ­ტი­კუ­ტში მცხოვ­რე­ბი სამი შვი­ლის მამა. ასე­ვე იდენ­ტი­ფი­ცი­რე­ბუ­ლია იუ­რი­დი­ულ კომ­პა­ნია Wilkinson Stekloff -ის ორი იუ­რის­ტის, სარა ლი ბეს­ტი­სა და ელი­ზა­ბეტ ენ კი­ზის ცხედ­რე­ბი.

• და­დას­ტუ­რე­ბუ­ლია, რომ ავი­ა­კა­ტას­ტრო­ფას ემსხვერ­პლა 12 წლის ვუნ­დერ­კინ­დი ფი­გუ­რულ სრი­ალ­ში ოლი­ვია ტერი

მე­რი­ლენ­დის ეროვ­ნუ­ლი პარ­კის (M-NCPPC) გან­ცხა­დე­ბით, ტერი იყო ერთ-ერთი იმ ოთხი მა­ღალკ­ვა­ლი­ფი­ცი­უ­რი მო­ცი­გუ­რა­ვე­ე­ბი­დან, რომ­ლე­ბიც კან­ზას­ში, გან­ვი­თა­რე­ბის ბა­ნაკ­ში სას­წავ­ლად შე­არ­ჩი­ეს.

• ავი­ა­კა­ტას­ტრო­ფას ემსხვერ­პლა აშშ-ს ფი­გუ­რუ­ლი სრი­ა­ლის ასო­ცი­ა­ცი­ის 14-მდე წევ­რი.

ცნო­ბის­თვის, აშშ-ში ვა­შინგტო­ნის რე­ი­გა­ნის აე­რო­პორტთან ახ­ლოს American Airlines-ის სამ­გზავ­რო თვითმფრი­ნა­ვი აშშ-ის არ­მი­ის Black Hawk-ის ტი­პის ვერ­ტმფრენს შე­ე­ჯა­ხა. კა­ტას­ტრო­ფა მდი­ნა­რე პო­ტო­მა­კის თავ­ზე მოხ­და. სამ­ძებ­რო და ცხედ­რე­ბის ამოყ­ვა­ნის ოპე­რა­ცია გრძელ­დე­ბა.

ოფი­ცი­ა­ლუ­რი პი­რე­ბის გან­ცხა­დე­ბით, თვითმფრი­ნა­ვის ბორტზე 64 ადა­მი­ა­ნი იმ­ყო­ფე­ბო­და, ვერ­ტმფრენ­ში კი – 3. ამ დრო­ის­თვის ამოყ­ვა­ნი­ლია 28 ადა­მი­ა­ნის ცხე­და­რი თვითმფრი­ნა­ვი­დან და ერთი – ვერ­ტმფრე­ნი­დან.

„არ ვფიქ­რობთ, რომ ამ კა­ტას­ტრო­ფას ვინ­მე ცო­ცხა­ლი გა­და­ურ­ჩა”, – გა­ნა­ცხა­და ვა­შინგტო­ნის სა­ხან­ძრო და გა­და­უ­დე­ბე­ლი სა­მე­დი­ცი­ნო სამ­სა­ხუ­რის ხელ­მძღვა­ნელ­მა, ჯონ დო­ნელ­მა.

წყა­რო