ბრიუსელში NATO-ს გენერალურმა მდივანმა მარკ რუტემ, დიდი ბრიტანეთის პრემიერმინისტრ კირ სტარმერთან ერთად ერთობლივი პრესკონფერენცია გამართა.
ნატოს გენერალურმა მდივანმა მარკ რუტემ განაცხადა, რომ ჩრდილოატლანტიკური ალიანსი აშშ-ის მხარდაჭერის გარეშე ვერ იარსებებს.
„წარმოდგენა იმისა, რომ ნატოს მართვა აშშ-ის მონაწილეობის გარეშე შესაძლებელი იქნება, ჩემი აზრით, გულუბრყვილობაა“, – აღნიშნა რუტემ.
მისი თქმით, ევროპული კონტინენტის თავდაცვა აშშ-ის მონაწილეობის გარეშე „ვერ იმუშავებს“.
„ახლა საუბარი არ არის მხოლოდ უკრაინისა და რუსეთის ომის შესახებ. გეოპოლიტიკური პროცესები ვითარდება. აშშ-ის ეს ესმის, ნატოს ევროპულ ნაწილსაც ეს ესმის. ჩინეთი, ჩრდილოეთ კორეა, ირანი – ისინი რუსეთთან არიან კავშირში“, – დასძინა ნატოს გენერალურმა მდივანმა.
მეორე მხრივ, როგორც რუტემ აღნიშნა, აშშ ჩრდილოეთ კორეის ბირთვული ცდების გამო საფრთხეშია.
