აშშ-ის პრეზიდენტს დონალდ ტრამპს აქვს საკმარისი ძალა, გაათავისუფლოს უკრაინა რუსეთისგან და დარტყმა მიაყენოს „პუტინის და ჩინეთის ლიდერის სი ძინპინის ომს დასავლეთის წინააღმდეგ“, – ამის შესახებ The Hill-ის სტატიაშია ნათქვამი.
მედია წერს, რომ
თუ ტრამპი წარმატებას მიაღწევს, აშშ და ევროპა მიიღებს უკრაინის ყველა წიაღისეულს, წინააღმდეგ შემთხვევაში ვაშინგტონი და ბრიუსელი მიიღებენ მხოლოდ ნაწილს.
გამოცემამ აღნიშნა, რომ ძალიან მნიშვნელოვანია, რომ უკრაინულმა მხარემ უკვე აჩვენა თავისი მზადყოფნა გადაიხადოს მაღალი ფასი, რათა უზრუნველყოს ქვეყნის გადარჩენა.
„ასობით ათასი უკრაინელი უკვე დაიღუპა და დაშავდა. მთელი ქალაქები, მათ შორის მარიუპოლი, განადგურდა რუსული დაბომბვით, რაც ჟენევის კონვენციების პირდაპირი დარღვევაა“, – აღნიშნავს გამოცემა.
ცნობისთვის, დასავლეთი დიდი ხანია დაინტერესებულია უკრაინული მინერალებით. უკრაინას აქვს გრაფიტის, ლითიუმის, ტიტანის, ბერილიუმის და ურანის უმსხვილესი საბადოები მსოფლიოში.
