“ჩვენს ზურგს უკან მიღწეული შეთანხმება უბრალოდ არ იმუშავებს, ნებისმიერი გარიგებისთვის გვჭირდება ევროპელები და უკრაინელები”, – ამის შესახებ ევროკავშირის უმაღლესმა წარმომადგენელმა, კაია კალასმა ჟურნალისტებთან საუბარში განაცხადა.
უკრაინის ნატო-ში გაწევრიანების საკითხზე საუბრისას კალასმა აღნიშნა, რომ არაფერი უნდა გამოირიცხოს მოლაპარაკებების დაწყებამდე, რადგან ეს რუსეთს არგებს და დასძინა: „რატომ ვაძლევთ მათ ყველაფერს, რაც სურთ, ეს დაშოშმინებაა, ამას არასდროს გაუმართლებია”.
“ნატოში წევრობა უსაფრთხოების ყველაზე ძლიერი გარანტიაა, რომელიც არსებობს. და რეალურად, ეს ყველაზე იაფი გარანტიაც არის.
თუ ვამბობთ, რომ ნატოში წევრობა არ იქნება, მაგრამ რაიმე სხვა უსაფრთხოების გარანტიები იქნება, მაშინ ყველამ უნდა უპასუხოს კითხვას: რა არის ეს უსაფრთხოების გარანტიები რეალურად?
კიდევ ერთხელ, ვიტყვი, რომ არაფერი არ უნდა გამოვრიცხოთ, სანამ მოლაპარაკებები არც კი დაწყებულა, ვინაიდან, ეს რუსეთს არგებს და მათ ეს სურთ. რატომ ვაძლევთ მათ ყველაფერს რაც სურთ, სანამ მოლაპარაკებები არც დაწყებულა? – ეს დაშოშმინებაა, ამას არასდროს გაუმართლებია!”, – განაცხადა კალასმა და დასძინა, რომ შეთანხმება უკრაინისა და ევროპის გარეშე არ იმუშავებს.
„კიდევ ერთხელ, მინდა ვთქვა, რომ თუ იქნება ჩვენს ზურგს უკან მიღწეული შეთანხმება, ის უბრალოდ არ იმუშავებს! ვინაიდა, ნებისმიერი სახის გარიგებისთვის, ნებისმიერი სახის შეთანხმებისთვის, გჭირდება ევროპელები, რომლებიც გაატარებენ ამ შეთანხმებას, გჭირდება უკრაინელები, რომლებიც გაატარებენ ამ შეთანხმებას.
ასე რომ… კარგადაც არ ჩანს, თუ ვინმე რაიმეზე თანხმდება და ყველა დანარჩენი ამბობს: “კარგი, შენ შეთანხმდი, მაგრამ ჩვენ ამას არ გავყვებით!”.
უკრაინელები წინააღმდეგობას გაწევენ და ჩვენ მხარს დავუჭერთ მათ,” – განაცხადა კალასმა.
