სხვადასხვა “ტელეგრამ” არხების ინფორმაციით, ოკუპირებული ცხინვალის რეგიონის ე.წ. პრეზიდენტი, ალან გაგლოევი გულის შეტევით ვლადიკავკაზის რესპუბლიკურ საავადმყოფოში გადაიყვანეს. არსებული ინფორმაციით, მის სანახავად კლინიკაში ჩრდილოეთ ოსეთის ხელმძღვანელი სერგეი მენიაილო მივიდა.
-
“სამხრეთ ოსეთის” ე.წ. პრეზიდენტის, პრესმდივანმა, ნატალია ბოსიკოვამ განაცხადა, რომ ალან გაგლოევი ვლადიკავკაზში სამედიცინო შემოწმების მიზნით იმყოფება.
“სახელმწიფოს მეთაური ჩრდილოეთ ოსეთში იმყოფება, სადაც ექიმის გამოკვლევა აქვს დანიშნული. მადლობას ვუხდით ყველას, ვინც დაინტერესებულია და წუხს, მაგრამ სანერვიულო არაფერია“, – აღნიშნა მან.
მოგვიანებით ბოსიკოვამ ჟურნალისტებს დამატებითი ინფორმაცია მიაწოდა. მისი თქმით, გაგლოევი კლინიკაში ჰიპერტონული კრიზით შეიყვანეს, ხოლო ახლა მისი მდგომარეობა სტაბილურია და კარდიოლოგიურ განყოფილებაშია მოთავსებული.
