რუსეთში, კამჩატკის ნახევარკუნძულის სანაპიროსთან მიწისძვრა მოხდა.
რუსული მედიის ინფორმაციით, მიწისქვეშა ბიძგების სიმძლავრემ 5.1 მაგნიტუდა შეადგინა.
სეისმური მოვლენის ეპიცენტრი პეტროპავლოვსკ-კამჩატსკიდან 94 კილომეტრში, ავაჩინსკის ყურეში დაფიქსირდა. მიწისძვრის ეპიცენტრი ზღვის ფსკერზე, 42,8 კმ-ის სიღრმეზე იყო.
რეგიონის დედაქალაქსა და ნახევარკუნძულის სამხრეთით მდებარე სხვა დასახლებულ რაიონებში ბიძგები სამ ბალამდე სიმძლავრით იგრძნობოდა.
