რუსეთის საგარეო დაზვერვის სამსახურის ხელმძღვანელმა სერგეი ნარიშკინმა განაცხადა, რომ რუსეთსა და ნატოს შორის კონფლიქტის შემთხვევაში, ბალტიისპირეთის ქვეყნები და პოლონეთი პირველები დაზარალდებიან.
BELTA-ს ცნობით, ეს განცხადება ნარიშკინმა ბელორუსის ლიდერთან ალექსანდრე ლუკაშენკოსთან შეხვედრის შემდეგ გააკეთა. ნარიშკინმა დაადანაშაულა ეს ქვეყნები აგრესიულობაში და გაიხსენა პოლონეთის განზრახვები გააძლიეროს თავისი საზღვრები და განათავსოს აშშ-ის ბირთვული იარაღი მის ტერიტორიაზე.
„მათ უნდა გაიგონ (თუმცა ჯერ არ ესმით), რომ რუსეთსა და ნატოს შორის კონფლიქტის შემთხვევაში, რა თქმა უნდა, ზიანი მიადგება ნატოს მთელ ბლოკს, მაგრამ უფრო მეტად, ბალტიისპირეთის ქვეყნები და პოლონეთი პირველები დაზარალდებიან“, – აღნიშნა რუსეთის საგარეო დაზვერვის სამსახურის ხელმძღვანელმა.
