აშშ-ის პრეზიდენტმა დონალდ ტრამპმა შეერთებული შტატების პორტებში რუსული გემების მიღების აკრძალვა გააგრძელა. ამის შესახებ Deutche Welle იუწყება.
შესაბამისი ინფორმაცია აშშ-ის ფედერალურმა რეესტრმა გაავრცელა. მსგავსი აკრძალვა 2022 წლის აპრილში აშშ-ის მაშინდელმა პრეზიდენტმა ჯო ბაიდენმა დააწესა.
ტრამპის მიერ ხელმოწერილ ბრძანებულებაში წერია, რომ რუსეთის მთავრობის მოქმედება კვლავ აშშ-ის ეროვნულ უსაფრთხოებას ემუქრება.
2022 წელს ჯო ბაიდენმა განაცხადა, რომ გემების მიღებაზე აკრძალვა რუსეთს საერთაშორისო ეკონომიკური სისტემის უპირატესობებს ჩამოართმევს, რასაც ის მანამდე უპრობლემოდ იყენებდა.
