რუსეთმა აფხაზეთთან რეგულარული ავიამიმოსვლა განაახლა. შესაბამისად, 1-ელ მაისს მოსკოვის ვნუკოვოს აეროპორტიდან მოსკოვი-სოხუმის პირველი ავიარეისი შესრულდა.
რუსული მედიის ინფორმაციით, ვნუკოვოს აეროპორტის განრიგის მიხედვით, მოსკოვიდან სოხუმის მიმართულებით თვითმფრინავი მოსკოვის დროით 14:47 საათზე გაფრინდა.
რეისს 50-ადგილიანი თვითმფრინავი Bombardier CRJ-200 შეასრულა.
როგორც „ტასი“ წერს, ბორტზე 49 მგზავრი იმყოფებოდა.
„მოსკოვიდან სოხუმამდე პირდაპირი რეისით მგზავრობის დრო დაახლოებით 3 საათი და 50 წუთია,“ – წერს რუსული მედია.
შეგახსენებთ, სოხუმის აეროპორტი 1993 წლის შემდეგ დახურული იყო.
2023 წლის ზაფხულში რუსეთის და აფხაზეთის დე ფაქტო მთავრობამ სოხუმის აეროპორტის აღდგენის შეთანხმებას მიაღწიეს.
