მოსკოვში დიდ სამამულო ომში გამარჯვების 80 წლისთავისადმი მიძღვნილ გამარჯვების აღლუმს 29 უცხოელი ლიდერი დაესწრება, – ამის შესახებ რუსეთის პრეზიდენტის თანაშემწემ იური უშაკოვმა ჟურნალისტებს განუცხადა.
უშაკოვის თქმით, ღონისძიებაზე რუსეთის ხელისუფლებამ ბევრი უცხოელი სტუმარი მოიწვია.
როგორც რუსული მედია წერს, ღონისძიებას უცხო ქვეყნის 29 ლიდერი დაესწრება, მათ შორის არიან ზიმბაბვეს, ჩინეთის, კუბის, ლაოსის, მონღოლეთის, ეკვატორული გვინეის, ეთიოპიის, „სამხრეთ ოსეთის“, მიანმარის, პალესტინის, სერბეთისა და სლოვაკეთის ლიდერები.
ასევე, აზერბაიჯანის, სომხეთის, კონგოს, ბელარუსის, ყაზახეთის, ყირგიზეთის, ბურკინა ფასოს, ვიეტნამის, გვინეა-ბისაუს, ეგვიპტის, ტაჯიკეთის, თურქმენეთის, უზბეკეთის, აფხაზეთის, ვენესუელას, ბოსნია და ჰერცეგოვინას და ბრაზილიას ლიდერები.
