თავდაცვის უფლების გამოყენება გაეროს წესდების გაუთვალისწინებლად სრულ ქაოსამდე მიგვიყვანს, – ამის შესახებ რუსეთის საგარეო საქმეთა მინისტრმა სერგეი ლავროვმა ირანზე ისრაელის დარტყმების კომენტირებისას განაცხადა.
„თუ გაეროს ქარტიით განსაზღვრულ თავდაცვის უფლებას ყველა ქვეყანა თვითნებურად განმარტავს – „მე თვითონ გადავწყვეტ, როდის გამოვიყენო ეს უფლება და ქარტიაში ჩახედვას აღარ ვაპირებ“, მაშინ ნათელია, რომ არანაირი მსოფლიო წესრიგი არ იარსებებს, მხოლოდ სრული ქაოსი იქნება“, – აღნიშნავს ლავროვი.
