უკრაინისთვის დასავლეთის მიერ იარაღის მიწოდების შემცირება ან შეწყვეტა აახლოებს კონფლიქტის დასასრულს, – ასე გამოეხმაურა რუსეთის პრეზიდენტის პრესმდივანი დმიტრი პესკოვი ვაშინგტონის მიერ კიევისთვის იარაღის მიწოდების შეჩერებას.
„რამდენადაც გვესმის, ამ გადაწყვეტილების მიზეზი იყო ცარიელი საწყობები. საწყობებში ამ შეიარაღების ნაკლებობა. თუმცა, ნებისმიერ შემთხვევაში, რაც უფრო ნაკლები იარაღი მიეწოდება უკრაინას, მით უფრო ახლოვდება სპეციალური სამხედრო ოპერაციის დასასრული“, – აღნიშნა კრემლის წარმომადგენელმა.
