2025 წლის 7 თვეში ტურიზმიდან 2.5 მლრდ დოლარის შემოსავალი შემოვიდა, რაც წლიურად 3.6%-ით გაზრდილი მაჩვენებელია – ამის შესახებ აღნიშნულია საინვესტიციო ბანკის Galt & Taggart-ის შეფასებით, ყოველკვირეულ განახლებაში. 2024 წლის საანგარიშო პერიოდში ტურიზმიდან საქართველომ 2.4 მლრდ დოლარის შემოსავალი მიიღო.
მათივე პროგნოზით, 2025 წელს ტურიზმიდან მიღებული შემოსავლები 4.5 მლრდ აშშ დოლარს მიაღწევს.
“ჩვენი შეფასებით, 2025 წლის ივლისში ტურიზმიდან მიღებული შემოსავლები წლიურად 2.7%-ით გაიზარდა და 520 მლნ აშშ დოლარი შეადგინა. ჩვენი შეფასებით, ჯამურად, 2025 წლის იანვარ-ივლისში ტურიზმიდან მიღებული შემოსავლები 2.5 მლრდ აშშ დოლარს გაუტოლდა (+3.6% წ/წ)”, – ნათქვამია ყოველკვირეულ მიმოხილვაში.
