პორტუგალიის პრეზიდენტმა მარსელო რებელო დე სოუზამ განაცხადა, რომ აშშ-ის პრეზიდენტი დონალდ ტრამპი ახლა „რუსეთის აგენტის“ როლს ასრულებს, რადგან უკრაინის წინააღმდეგ ომში მოსკოვს უჭერს მხარს. ამის შესახებ „სიენენის“ პორტუგალიური სამსახური იტყობინება.
პორტუგალიაში ერთ-ერთ უნივერსიტეტში გამართული ზაფხულის ღონისძიების დროს პრეზიდენტმა საერთაშორისო ვითარებასა და თანამედროვე გამოწვევებზე ისაუბრა.
მან ტრამპი პოლიტიკური ლიდერობის ახალი სტილის მაგალითად შეაფასა, რომელიც უფრო ემოციურია და შუამავლების გარეშე მოქალაქეებთან პირდაპირ კონტაქტზეა ორიენტირებული, თუმცა ამავდროულად აღნიშნა ძალთა გლობალური ბალანსის სახიფათო ცვლილება.
„წამყვანი ზესახელმწიფოს ლიდერი, ობიექტურად, საბჭოთა ან რუსეთის აგენტია. ის აგენტის როლს ასრულებს. ახალი ამერიკული ხელმძღვანელობა სტრატეგიულად ეხმარება რუსეთის ფედერაციას“, – განაცხადა პორტუგალიის პრეზიდენტმა.
