რუსეთის საგარეო საქმეთა მინისტრის მოადგილე სერგეი რიაბკოვი აცხადებს, რომ განიხილება სერგეი ლავროვისა და აშშ-ის სახელმწიფო მდივნის, მარკო რუბიოს შეხვედრა ნიუ-იორკში, გაერო-ს გენერალური ასამბლეის ფარგლებში. სერგეი რიაბკოვის თქმით, ასეთი შეხვედრის ჩატარების შანსები მაღალია.
ამის შესახებ რუსმა დიპლომატმა რუსულ სააგენტო „ტასს“ განუცხადა.
მანამდე ცნობილი გახდა, რომ რუსეთის პრეზიდენტმა, ვლადიმირ პუტინმა გაერო-ს გენერალური ასამბლეის მე-80 სესიაზე რუსეთის დელეგაციის ხელმძღვანელად საგარეო საქმეთა მინისტრი სერგეი ლავროვი დანიშნა.
ამასთან, საგარეო უწყების ოფიციალურმა წარმომადგენელმა, მარია ზახაროვამ „ტასთან“ ინტერვიუში ლავროვისა და რუბიოს შეხვედრის შესაძლებლობა გამორიცხა.
გაერო-ს გენერალური ასამბლეის მე-80 სესიაზე ლიდერების სიტყვით გამოსვლა 23-29 სექტემბერს გაიმართება.
