აშშ-ის იუსტიციის დეპარტამენტმა რუსეთის სამხედრო დაზვერვის („გრუ“) 6 ოფიცერს რამდენიმე ქვეყნის მიმართ ჰაკერული თავდასხმის გამო, ბრალი წაუყენა.
დეპარტამენტის განცხადებით, ჰაკერები კომპიუტერულ შეჭრასა და თავდასხმებში მონაწილეობდნენ, რითაც უკრაინაში, საქართველოსა და საფრანგეთში არეულობის მოწყობას ცდილობდნენ.
აშშ-ის იუსტიციის დეპარტამენტის ინფორმაციით, კომპიუტერული შეტევების დროს „გრუს“ ჰაკერებმა მსოფლიოში ყველაზე მავნე პროგრამები -KillDisk-ი და Industroyer-ი გამოიყენეს.
დოკუმენტში აღნიშნულია, რომ ჰაკერებმა 2018 წელს შეტევა საქართველოს ერთ-ერთ მედია-კომპანიის, ხოლო 2019 წელს საქართველოს პარლამენტის წინააღმდეგ მოაწყვეს.
დოკუმენტში ექვსივე ჰაკერის ვინაობაა ნახსენები, მათგან ორმა – ანატოლი კოვალიოვმა და არტიომ ოჩიჩენკომ თავდასხმა საქართველოს წინააღმდეგ მოაწყვეს.
“აიპიენი”