პოპულარულ მესენჯერ WhatsApp-ს ახალი ფუნქცია ემატება.
აპლიკაციის ახალი ვერსიის მომხმარებლებს კომპიუტერიდან აუდიო და ვიდეოზარების განხორციელება შეეძლებათ. ამის შესახებ გამოცემა WABetaInfo წერს.
გამოცემის განკარგულებაში აღმოჩნდა აპლიკაციის ახალი ვერსიის რამდენიმე სქრინშოტი. მისი ინფორმაციით, ზარის დროს მესენჯერში ცალკე ფანჯარა გაიხსნება და მომხმარებლები საუბრის პარალელურად მიმოწერასაც შეძლებენ.
WABetaInfo-ს ცნობით, ახალი ფუნქცია ვერსია 2.2043.7-ში გამოჩნდება, რომელიც უახლოეს კვირებში გამოვა.
