ეკლესია ლამის თავის ანათემას გადასცეს, აღდგომას რას შვრებითო?! დღეს ეს პოლიტიკური სპექტრი პირდაპირ მოწოდებებს აკეთებს, კოვიდი არაფერი არ არის, მთავარი არის პოლიტიკური მიზნებიაო, – ამის შესახებ განცხადება, თავდაცვისა და უშიშროების კომიტეტის თავმჯდომარე ირაკლი სესიაშვილმა „პალიტრანიუსის“ გადაცემა „360 გრადუსში“ გააკეთა.
„საკითხი დგას ასე – ვისთვის რა უფრო მნიშვნელოვანია: პოლიტიკური ინტერესები თუ გაფრთხილება, თუ ორივე ერთად. ორივე ერთადაც ხომ შეიძლება? მაგალითად, ამ ადამიანებმა ეკლესია ლამის თავიანთ ანათემას გადასცეს, აღდგომას რას შვებითო? მაშინ ხელისუფლებაც ეკლესიას სთხოვდა, რომ მაქსიმალურად დაეცვა ნორმები. დღეს უკვე ეს პოლიტიკური სპექტრი პირდაპირ მოწოდებებს აკეთებს, კოვიდი არაფერი არ არის, მთავარი არის პოლიტიკური მიზნებიო, პირდაპირ ამბობენ. პირდაპირ ეუბნებიან, რომ ახლა მთავარი თქვენი ჯანმრთელობა და სიცოცხლე არ არისო, ახლა მთავარი არის პოლიტიკური მიზნებიო, ამას პირდაპირ იძახიან,“- განაცხადა სესიაშვილმა.
“რეზონანსი”