„ქართული ოცნების“ აღმასრულებელი მდივნის, ირაკლი კობახიძის შეფასებით, ოპოზიციური პარტიების მხრიდან, არჩევნების მეორე ტურში მონაწილეობზე უარის თქმა არასწორი ნაბიჯია.
კობახიძის თქმით, „ოპოზიციას არ სურს მეორე დამარცხების მიღება“.
„როგორც ამერიკელები იტყოდნენ – „ ეს კინო ნანახი გვაქვს“. 2016 წელს იყო ზუსტად იგივე ვითარება. 2016 წელსაც უარი თქვეს ოპოზიცის წარმომადგენლებმა მეორე ტურში მონაწილეობაზე, რაც არ არის სწორი ნაბიჯი პირდაპირ შეიძლება ითქვას. მათ არ სურთ მეორე დამარცხების მიღება და აქედან გამომდინარე, ისინი თავს იკავებენ მეორე ტურში მონაწილეობისგან უკვე მეორე არჩევნებია ზედიზედ. ეს არ არის სწორი ნაბიჯი და ეს არ არის ის ნაბიჯი, რომლითაც პოლიტიკაში უნდა იმოქმედო“,- განაცხადა კობახიძემ.