დღეს, კარტოგრაფების საქმეზე, პროკურატურამ აუდიო–ვიდეო ჩანაწერების გამოქვეყნების გარდა, დაკითხა სასაზღვრო პოლიციის დეპარტამენტის ყოფილი ხემძღვანელი ბადრი ბიწაძე, რომელიც დაკითხვის შემდეგ, მედიასთან პასუხობს კითხვას, ელოდება თუ არა დაკავებას, ის ასევე საუბრობს იმაზეც, რა კითხვები დაუსვეს.
ბიწაძე, რომლის დაკითხვაც პროკურატურაში უკვე დასრულდა, ამბობს, რომ თუ მისი დაკავება “მამა–მარჩენალმა არ დაიბარა”, მაშინ არ დააკავებენ.
ბადრი ბიწაძე
“ძალიან ბევრი შეკითხვა იყო, ზოგი მე არ მეხებოდა … მამა–მარჩენალმა თუ არ დაიბარა, იმ შემთხვევაში, დანარჩენი არა… იყო ასეთი კითხვა, რომ კომისიის სხდომას რომ ვესწრებოდი, რატომ ვესწრებოდი, იმიტომ რომ მე არ ვიყავი კომისიის წევრი, ვესწრებოდი იმიტომ, რომ ჩემი კოლეგა ჩამოსული იყო აზერბაიჯანიდან და რახან იყო კოლეგა, მეც მიმიწვიეს და ვესწრებოდი ამ სხდომას, საზღვრის დაცვას ვხელმძღვანელობდი და საზღვრის დაცვის პოლიცია იცავს დადგენილ საზღვარს. ჩვენი კომპეტენცია საზღვრის დადგენა არ არის. მე მაქვს პირადი აზრი, როგორც პროფესიონალს და როგორც მოქალაქეს, რომ ეს საქმე არის, ავანტიურისტული და პოლიტიკური”
დღეს პროკურატურის მიერ გამქვეყნებულ იმ აუდიო–ჩანაწერში, სადაც ივერი მელაშვილი და მამუკა მიქელაძე ფიგურირებს, ბადრი ბიწაძესთან ერთად, დასახელებული იყო კომისიის თავმჯდომარის მოადგილე გიორგი მანჯგალაძეც.