იხელთეს დრო პატარა პარტიებმა და ხელიდან დაუსხლტნენ მიშას, სათქმელიც აქვთ – დასავლეთს უარს ვერ ვეტყვითო – ზურაბ ქადაგიძე.
„ტატამზე რომ ორი მოჭიდავე დგას, შედეგი რომ წინასწარ ცნობილია ერთის სიძლიერის გამო და მეორე, რომ ყველანაირად ცდილობს ჯახს თავი აარიდოს – აი, ასეთ სიტუაციაშია ახლა „ნაცმოძრაობა“ და სააკაშვილი“ – ამის შესახებ ექსპერტი ზურაბ ქადაგიძე აცხადებს.
მისი თქმით “ნაციონალურ მოძრაობას“ არასოდეს უნდოდა არჩევნების გზით წასვლა, რადგან იციან, რომ როგორც მინიმუმ, „ქართულ ოცნებას“ დღეს მილიონზე მეტი ადამიანი უჭერს მხარს, ეს კი უპირობო მარცხია.
„ტატამზე რომ ორი მოჭიდავე დგას, შედეგი რომ წინასწარ ცნობილია ერთის სიძლიერის გამო და მეორე რომ ყველანაირად ცდილობს ჯახს თავი აარიდოს – აი ასეთ სიტუაციაშია ახლა „ნაცმოძრაობა“ და სააკაშვილი. მათ არასოდეს უნდოდათ არჩევნების გზით წასვლა, რადგან იციან, რომ როგორც მინიმუმ “ქართულ ოცნებას“ დღეს მილიონზე მეტი ადამიანი უჭერს მხარს, ეს კი უპირობო მარცხია. დასკვნების და აღიარების მიუხედავად, სააკაშვილმა მოახერხა და რაღაცნაირად თავის მხარეს გადაიბირა ოპოზიცია, შექმნა ხელოვნური კრიზისი და თავის ჭკუაზე დაატარებდა ყველას. მას ბოლომდე ჰქონდა იმედი, რომ ხელისუფლება და მმართველი პარტია არავითარ შემთხვევაში არ დათანხმებოდა კომპრომისს და კრიზისი უფრო გაღრმავდებოდა. დიდი აღტყინებით ელოდნენ სანქციებს, მკაცრ განცხადებებს და აშ. რეალურად კი, „ოცნებამ“ აჩვენა, რომ ის არის დღეს ერთადერთი პოლიტიკური ძალა, რომელსაც ადარდებს ხალხი და რომლის პასუხისმგებლობაც არის მართალია ხელოვნური, მაგრამ მაინც კრიზისის მოგვარება.
ჰოდა, „ოცნების“ მზაობა, რომ ხელი მოაწეროს 43% იან პირობას, ხელი მოაწეროს დოკუმენტს, სადაც კრიმინალების გათავისუფლება წერია, „ნაცმოს“ უკან დასახევი გზა აღარ დარჩა. ახლა, დოკუმენტზე ხელის არ მოწერის შემდეგ, მაინტერესებს ჟორიკა რურუა რას იტყვის, როცა მისი გათავისუფლება მიშას ხელშია, მიშა კი ერთ რამეზე ფიქრობს – რ ა დ ი კ ა ლ ი ზ ა ც ი ა! ჰოდა იხელთეს დრო პატარა პარტიებმა და ხელიდან დაუსხლტნენ მიშას, სათქმელიც აქვთ – დასავლეთს უარს ვერ ვეტყვითო. სულ ესაა შეფასება მთელი ამ პროცესების“ – ამბობს ზურაბ ქადაგიძე.
წყარო: ptn.ge