თურქეთის პრეზიდენტმა რეჯეფ თაიფ ერდოღანმა პალესტინის ლიდერთან მაჰმუდ აბასთან და „ხამასის“ პოლიტბიუროს ხელმძღვანელთან ისმაილ ხანიასთან სატელეფონო საუბრების დროს განაცხადა, რომ ყველაფერს გააკეთებს მთელი მსოფლიოს, განსაკუთრებით კი ისლამური სამყაროს მობილიზებისთვის „პალესტინელების წინააღმდეგ ისრაელის ტერორის შესაჩერებლად“.
მისი თქმით, თურქეთი ყოველთვის დარჩება პალესტინის საქმის მომხრედ, იდგება პალესტინელი ძმების გვერდით და დაიცავს იერუსალიმის ღირსებას.
ცნობისთვის, „ჰამასმა“ ისრაელის მიმართულებით რაკეტები გაუშვა, რასაც ისრაელის მხრიდან საპასუხო ცეცხლი მოყვა, რის შედეგადაც, პალესტინაში ცხრა ადამიანი დაიღუპა.