Pfizer-მა კორონავირუსის საწინააღმდეგო პერორალური პრეპარატის, სახელწოდებით PF-07321332-ის პაციენტებზე გამოცდა დაიწყო.
ინფორმაციას ამის შესახებ Reuters-ი ავრცელებს.
გამოცემის ცნობით, კველვაში მონაწილეობას კორონავირუსით ინფიცირებული 1 140 ისეთი ადამიანი იღებს, რომლებიც ვირუსის მძიმე ფორმების განვითარების რისკის ქვეშ არ დგანან.
კომპანიაში აცხადებენ, რომ კვლევის მონაწილეები პრეპარატ PF-07321332-ს „რიტონავირის“ დაბალ დოზასთან ერთად მიიღებენ. პრეპარატი PF-07321332 შექმნილია იმისათვის, რომ ძირითადი ფერმენტის აქტივობა დაბლოკოს, რომელიც კორონავირუსის რეპლიკაციისთვისაა საჭირო.
ცნობისთვის, ივლისში კომპანია Pfizer-მა განაცხადა, რომ თუ პრეპარატატი PF-07321332-ის ტესტირება წარმატებული იქნება, იგი მეოთხე კვარტალში პრეპარატის გადაუდებელი გამოყენებისთვის ავტორიზაციის მოპოვებას შეეცდება.
წყარო: itv.ge