ტექნიკის გიგანტმა Apple-მა 14 სექტემბერს მომხმარებლებს ახალი ულტრათანამედროვე სტანდარტების მქონე პროდუქცია წარუდგინა. ონლაინ გამართულ პრეზენტაციაზე კომპანიამ მომხმარებლებს IPhone 13, 13 Mini, 13 Pro da 13 Pro Max გააცნო.
ახალი Iphone 13, რომელიც 5 ფერისაა, ეს ფერებია: წითელი, ნაცრისფერი, შავი, მწვანე და ვარდისფერი. აღსანიშნავია, რომ ის წყალგაუმტარია.
ახალი სმარტფონის დიზაინი წინა მოდელებთან შედარებით უფრო დახვეწილია, განახლებული კორპუსით, ცნობილია, რომ ახალი სმარტფონის ეკრანი ულტრათანამედროვე და მგრძნობიარე სენსორით არის აღჭურვილი, რომელიც წინა მოდელებთან შედარებით ბრძანებას 30%-ით უფრო სწრაფად ასრულებს.
კომპანიამ ახალი სმარტფონი თანამედროვე 5 ნანომეტრიანი A15 ბიკონიკ პროცესორით აღჭურვა, რომელიც წინა მოდელებთან შედარებით, 50%-ით უფრო სწრაფია. ცნობილია, რომ ახალი პროცესორი წამში 15.8 მილიარდი ოპერაციას ასრულებს.
რაც შეეხება ელემენტს, კომპანიამ გაითვალისწინა მომხმარებლების უკმაყოფილება და სმარტფონში ელემენტის მოცულობა გაზარდა, რაც წინა მოდელებთან შედარებით iphone 13 მუშაობის პროცესს 1.5 საათიდან 3-საათამდე ახანგრძლივებს. კომპანია ელემენტის მოცულობის დაკონკრეტებისგან თავს იკავებს, რაც გაყიდვაში ჩაშვების შემდეგ გახდება ცნობილი.
ახალი სმარტფონის კამერა, წინა მოდელთან შედარებით 2.2-ჯერ უკეთესია, რაც ფერების და სივრცის აღქმაში გამოიხატება. კამერის მონაცემები პროფესიონალური ვიდეო აპარატებთან მიახლოებული, რომელიც მომხმარებლებს მაღალი ხარისხის ვიდეოსა და მოკლემეტრაჟიანი ფილმის გადაღების საშუალებას აძლევს. სმარტფონი აღჭურვილია ულტრათანამედროვე 12 მეგაპიქსელიანი ორ და სამი კამერით.
IPhone 13-ის, Pro და Pro Max-ის გარდა, კომპანიამ ასევე წარადგინა ახალი IPad, IPadmini, Apple Watch series 3, SE, series 7, ასევე პროგრამა Fitness +.
აშშ-ში iPhone 13 mini-ს ღირებულება 699 დოლარიდან იწყება, ხოლო iPhone 13-ის – 799 დოლარიდან. რაც შეეხება Pro სერიას, iPhone 13 Pro-ს ფასი 999 დოლარიდან იწყება, ხოლო iPhone 13 Pro Max-ის – 1 099 დოლარიდან. სმარტფონები გაყიდვაში უახლოესს დღეებში ჩაეშვება.
iPhone 13 Pro Apple-ის პირველი სმარტფონია, რომელსაც 1-ტერაბაიტიანი მეხსიერების ვერსია აქვს.
წყარო: newposts.ge