თავდაცვის ძალების მეთაურმა ვლადიმერ ჩაჩიბაიამ უფლებამოსილებას დღეს გენერალ-მაიორი გიორგი მათიაშვილს გადააბარა. ვლადიმერ ჩაჩიბაიას თქმით, ის თადარიგში მიდის. ვლადიმერ ჩაჩიბაიამ თავის გამოსვლა მადლობით დაიწყო და მადლობა გადაუხადა ყველა ადამიანს, რომელიც ჯარის წარმატებისთვის მუშაობს:
“მინდა, მადლობა გადავუხადო ჩვენ ჯარს, მათი როლი ჩვენი ქვეყნის აღმშენებლობის საქმეში არის მნიშვნელოვანი, ჩვენი პოლიტიკის მნიშვნელოვანი მიმართულება, ეს არის NATO-ში გაერთიანება, თითოეული ჯარისკაცი, ჩვენი ინსტიტუცია დე ფაქტო არის NATO-ს წევრი. მივდივარ თადარიგში, მაგრამ ვრჩები საქართველოს ჯარისკაცი და ყოველთვის იქ ვიქნები, სადაც ჩვენს ქვეყანას დასჭირდება,” – განაცხადა ვლადიმერ ჩაჩიბაიამ.
“რუსთავი2”