SpaceX-ის კოსმოსური ხომალდით Crew Dragon 5 ოქტომბერს კოსმოსში 2 ამერიკელ და 1 იაპონელ ასტრონავტთან ერთად რუსი კოსმონავტი ანა კიკინა გაფრინდა. ამის შესახებ „ეხო კავკაზა“ იუწყება.
ეს ილონ მასკის ხომალდებით მეხუთე პილოტირებული მისიაა, ასტრონავტები საერთაშორისო სადგურზე მიფრინავენ, სადაც რამდენიმე თვეს გაატარებენ. რაც შეეხება Crew Dragon-ის რაკეტის პირველ საფეხურს ის, წარმატებით დაფრინდა დედამიწაზე.
მიმდინარე წლის ივლისში „ნასამ“ და „როსკოსმოსმა“ მიაღწიეს შეთანხმებას ასტრონავტების გაცვლითი პროგრამის შესახებ, სამი რუსი კოსმონავტი Crew Dragon-ით გაფრინდება, ხოლო სამი ამერიკელი ასტრონავტი – კოსმოსური ხომალდით „სოიუზი“.