მარნეულში „ჯავახიშვილობა 2022“ აღინიშნა. მუნიციპალიტეტის თვითმმართველობის ორგანიზებით, სოფელ წერაქვში ქართველი მწერლის, საზოგადო და პოლიტიკური მოღვაწის, მიხეილ ჯავახიშვილის იუბილესადმი მიძღვნილი ღონისძიება გაიმართა.
მწერლის მუზეუმის ეზოში, წარმოდგენილი იყო მე-20 საუკუნის დასაწყისის ამსახველი იმიტირებული ლიტერატურული სალონების დეკორაციები, ასევე სპექტაკლი „ფრაგმენტები ჯავახიშვილის ნაწარმოებებიდან“.
„ჯავახიშვილობა 2022“-ს ცენტრალური და ადგილობრივი ხელისუფლების წევრები, ადგილობრივი თვითმმართველობის ხელმძღვანელი პირები, ლიტერატურის მუზეუმის წარმომადგენლები, მწერალთა კავშირის წევრები და მიხეილ ჯავახიშვილის შთამომავლები ესწრებოდნენ. გაიხსენეს მისი შემოქმედება და მწერლის ძეგლი ყვავილებით შეამკეს.