შალვა პაპუაშვილმა სლოვაკეთის ახლად დანიშნულ ელჩთან გაცნობითი შეხვედრა გამართა

საქართველოს პარლამენტის თავმჯდომარე შალვა პაპუაშვილმა საქართველოში სლოვაკეთის რესპუბლიკის ახლად დანიშნულ ელჩ მატუშ ბუშოვსკისთან გაცნობითი შეხვედრა გამართა. ამის შესახებ ინფორმაციას პარლამენტის პრესსამსახური ავრცელებს.
შალვა პაპუაშვილმა სლოვაკეთის ახლად დანიშნულ ელჩთან გაცნობითი შეხვედრა გამართა

მათივე ცნობით, შალვა პაპუაშვილმა მატუშ ბუშოვსკის ელჩად დანიშვნა მიულოცა და წარმატება უსურვა მის საქმიანობაში.

„მხარეებმა დადებითად შეაფასეს საქართველოსა და სლოვაკეთს შორის თანამშრომლობის დინამიკა, მათ შორის, მაღალი დონის ვიზიტები.

შეხვედრაზე საუბარი შეეხო ქართულ-სლოვაკურ ორმხრივ ურთიერთობებს, საქართველოს პროგრესს ევროკავშირში გაწევრიანების გზაზე, ამ მხრივ საქართველოს მოლოდინებსა და რეგიონში არსებულ ვითარებას.

ელჩმა აღნიშნა, რომ სლოვაკეთი მხარს უჭერს საქართველოსთვის ევროკავშირის კანდიდატის სტატუსის მინიჭებას და მზად არის, გაუწიოს დახმარება საქართველოს ყველა საჭირო მიმართულებით“, – აღნიშნულია პარლამენტის პრესსამსახურის ინფორმაციაში.